sida

bitarteko antikontzeptibo gomendagarriena izaten da bikoteak onartu, jasan eta ondo erabiltzen duena, eta STGetatik eta HIESetik babesten duena.

Kirurgia-bitartekoak

basektomia: ebakuntza erraz baten bidez egiten da, anestesia lokalarekin, eta ez da beharrezkoa ospitaleratzea. Hodi deferenteak (espermatozoideak pasatzen direneko hodiak) moztean datza, espermatozoideak semenaren parte izan ez daitezen.

tronpen lotura: sabelean egindako ebaki txiki baten bidez egiten da eta tronpak moztean datza, obuluak pasa ez daitezen eta ernalduak izan ez daitezen.

bitarteko naturalak

Emakumearen fisiologiari buruzko jakintza handia eskatzen dute. Ondo informatuta egon behar da eta egun ugalkorretan sexu-harremanak ekidin.

ogino: obulazioaren egunaren arabera kalkulatzen da. Obuluak 12 orduko bizitza duenez, eta espermatozoideek umetokian 48 eta 72 ordu artekoa, obulazioaren aurreko bost egunetan eta hurrengo egunean koitoa ekidin beharko da.
Ez du STGetatik eta HIESetik babesten.

tenperatura: zera da metodo hau, obulazioaren unea honen ostean gertatzen den tenperaturaren igoeraren bidez kalkulatzea (oinarrizko tenperatura 0,3ºtik 0,5ºra igotzen da). Metodo hau saiatzen da jakiten zeintzuk diren egun ugalkorrak horietan koitoa ekiditeko. Ez du STGetatik eta HIESetik babesten.

billings edo muki zerbikalaren metodoa: kontua da obulazioaren unea kalkulatzea baginako mukiak azterketaren bidez, berau aldatzen baita hormona-jardueraren arabera.
Ez dira preserbatiboak, diafragmak, espermizidak, UBG (umetoki barneko gailua) edota pilulak erabili behar, guztiek muki zerbikalean aldaketak eragiten baitituzte. STGek ere mukia aldarazten dute. Botika batzuek (lasaigarriek, hormonek, antihistaminikoek eta antibiotikoek) ere bertan aldaketak eragin ditzakete. Ez du STGetatik eta HIESetik babesten.

benetako bitarteko antikontzeptiboak ez direnak

edoskitzaro luzea: bertan ere obulazioak gertatzen direnez, emakumearen aldi ugalkorra da.
bagina-garbiketa: koitoaren osteko garbiketek ez dute ezertarako ere balio, espermatozoideak umetoki-lepora oso azkar iristen direlako.
koito etena: zera da eiakulatu aurretik zakila ateratzea. Bitarteko honek gizonezkoari kontrol handia eskatzen dio. Gainera, eiakulazioa aurretik espermatozoideak egon daitezke (semenaren aurreko likidoan).