sida

masturbazioa
Masturbazioa izan daiteke nork bere buruari egiten dion eskuzko estimulazioa (autoerotismoa) edota pertsona batek beste bati egiten diona (heteroerotismoa).
Masturbazioa edota autoerotismoa askotan soilik nerabezaroan garatzen den portaeratzat hartu bada ere, gizakiaren beste aro batzuetan ere gerta daiteke.
Masturbazio portaera debekatu, galarazi eta zigortuenetariko bat izan da. Baina, ez dago inolako medikuntza-arrazoirik masturbazioa debekatzeko.
Egun komunitate zientifikoak onartzen du masturbazioa hainbat funtzio betetzen dituen portaera bat dela: plazerra eman, norberaren sexu-funtzionamenduari buruz ikasi, eta bikotearen sexu-harremanak aberastu. Izan ere, gizon-emakumeek masturbatzeko erabiltzen dituzten teknikak interesgarriak dira, bikotearen sexu-harremanak hobetzeko teknikei buruzko informazioa ematen dietelako bikotekideei.

Emakume gehienak klitoriari eta ezpain txikiei eraginez masturbatzen dira. Goitik behera edota mugimendu zirkularren bidez igurtzi dezakete, batzuetan leunkiro eta bestetzuetan klitorian presio handiagoa eraginez. Ezpain txikiak ere laztandu daitezke.
Ekintza honek bertan behera uzten ditu gizonezko askok emakumezkoen masturbazio-teknikei buruz dituzten sinesmenak: gizonezkoek emakumeak irudikatzen dituzte behatz bat, banana bat edota antzeko zerbait baginan sartzen. Izan ere, hau ez da oso ohikoa, era arruntena baita klitoria eta ezpain txikiak masturbatzea. Kinsey ikerketan masturbatzen zirenen laginaren arabera, %84k klitoriari eta ezpain txikiei eragiteko teknika erabiltzen zuen; baginan behatzak edota gauzak sartzeko teknika bigarrena izan zen, emakumeen %20k erabilitakoa.
Emakumeek erabilitako beste teknika batzuk honakook dira: bularra estimulatzea, klitoria kitzikatzeko hankak gurutzatzean eta erritmikoki sakatzean izterrak egiten duen presioa baliatzea, sexu-organoak objektu baten kontra (burko bat, esate baterako) igurtzea, edota dutxan ur-zorrotada batez masajea ematea.

Gizonezko gehienek diotenaren arabera, zakilari eskuz eraginez masturbatzen dira. Azkartasuna gustuko dutenek orgasmoa lor dezakete minutu pare batean. Gizonezko gehienek eskuz inguratzen dute zakila edota goitik beherako mugimendua eragiten dute, zakil-enborra eta mokoa estimulatzeko. Zakilak berezko labainketarik sortzen ez duenez, gizon batzuei labaingarri gisa dutxan xaboi-aparra eta antzekoak erabiltzea gustatzen zaie. Zakilari heltzeko indarra, mugimenduaren azkartasuna, eta zakil-mokoaren estimulazio maila gizon batetik bestera aldatu egiten dira.
Gehienek estimulazioaren abiadura areagotzen dute orgasmora hurbildu ahala, eta honek dirauen bitartean, abiadura gutxitu egiten da, edo erabat gelditu, mugimendua une horretan desatsegina izan daitekeelako. Isurtzeko unean, haiek tinko eusten diote zakil-enborrari. Orgasmoa bukatutakoan, zakil-mokoa eta koroa oso sentibera daudenez, gizonek, oro har, zakila une horrexetan gehiago estimulatzea ekiditen dute.

petting-a
Petting-a ingelesezko hitz bat da, gutxi gorabehera zera esan nahi duena: "koitotik hurbilen dauden sexu-jarduerak, baina koitora heltzen ez direnak eta orgasmoa eragin dezaketenak". Hauen artean honako portaera hauek aipa ditzakegu. Musuak, gorputzeko alde desberdinetan laztanak, heteromasturbazioak (elkar masturbatzea), klitoria laztantzea, ahozko sexua, striptease-a, masajeak, amultsuki dantza egitea, eta abar,...
Normalean emakumeak dira gizonen aurrean holako sexu-portaerak defendatzen dituztenak, koitorik ez egoteaz gain, askotan atsegingarri eta gustagarriagoak suertatzen baitzaizkie, eta gainera ia-ia guztiek ez dute SGTrik edo HIESa harrapatzeko arriskurik.

musukatzea
Musukatzea da gure kulturan ia mundu guztiak erabili duen jarduera bat. Musu bakunean, bikotekideek ahoa itxita elkarren ezpainak ukitzen dituzte. Musu sakonean, bi lagunek zertxobait irekitzen dute ahoa eta mihia elkarren ahoan sartzen dute. Aldaera gehienak oinarrizko bi hurbilpen hauetan oinarritzen dira, esate baterako, bikotekidearen ezpainak edota mihia hozkatzea, edo ezpainak xurgatzea; muga bakarra irudipena eta norberaren gustuak dira. Esan gabe doa gorputzeko alde guztiak musukatu daitezkeela: sudurra, bekokia, betazalak, belarri-gingila, lepoa, gerria, izterren barne aldea, sexu-organoak, uzkia, oinak, eta abar,... eta haietariko bakoitzak sentsazio atsegin desberdinak eragiten ditu.

laztantzea
Laztantzea eta laztandua izatea oinarri-oinarrizkoa da sexu-kitzikapenean. Alde kitzikagarriak asko aldatzen pertsona betetik bestera, eta une horretan pertsona horren egoeraren araberakoak izaten dira; gainera, komenigarria da bikotekideari jakinaraztea zein laztan mota dugun gustukoen. Adibidez, eta lehenago esan dugun bezala, sexu-organoak estimulatzeko laztanak nola egin behar diren jakiteko modurik onenetariko bat da jakitea nola masturbatzen den pertsona hori.
Gizonezkoaren sexu-organoen eskuzko estimulazioa erabili daiteke orgasmoa eragiteko, koitoaren aurreko plazer moduan, edota gizonak orgasmoa eduki ostean tentetze berri bat eragiteko.
Emakumezkoaren sexu-organoen eskuzko estimulazioa erabili daiteke orgasmoa eragiteko, koitoaren aurretik emakumea kitzikatzeko, edo emakumeari eragiten dion plazer hutsagatik.

ahozko sexua
Felazioa, "txirula jo" eta holako esakuneen bidez ezagunagoa, zakila ahoz estimulatzea da, eta kunilinguisa emakumearen sexu-organoak ahoz estimulatzea da.
Kunilinguisean mihiak emakumearen sexu-organoak estimulatzen ditu, batik bat klitoria eta inguruko aldeak. Kunilinguisari ekiteko modu ona izan daiteke izterren barne aldea edo sabela musukatzea, eta pixkanaka klitorirantz abiatzea. Ahoak ezpainen barne aldea ere estimulatu dezake, edota mihiak baginako sarrera estimulatu dezake, edo baginaren barruan sartu. Kunilinguisean zehar, emakume batzuek gozatzen dute kitzikapena areagotzearren behatz bat baginan edota uzkian sartuta. Emakume askok jarduera hau oso ondo hartzen dute, erarik onena, eta batzuetan bakarra, dutelako orgasmoa lortzeko.
Felazioan bikotekidearen ahoak zakila estimulatzen du, ahoan sartuta eta ezpainak goitik behera, hots, zakil-mokotik oinarrira mugituta. Felazioa bukatu daiteke bikotekidearen ahoan bertan edota ahotik kanpo isurita.
Gizonak orgasmoa lor dezan, mugimendua iraunkorra izan behar da, zakila gero eta barrurago sartu behar da ahoan, eta, batzuetan, behatzak erabili daitezke zakilaren oinarria inguratzeko eta kitzikapena areagotzeko. Gizon gehienentzat felazioa oso jarduera kitzikagarria da.

sexu fantasiak
Pertsona batentzat esanahi erotikoa duen edozein adimen-irudia dira, eta sexu-kitzikapena eragin edota handitzeko erabili ohi dira. Ziurrenik, fantasiek funtzio bikoitza daukate. Alde batetik, sexu-grina piztearen ondorioa dira, eta bestetik, grina hori berori pizteko modua.
Sexu-fantasia guztiak positiboak dira eta garrantzitsua da transmititzea eta berauen gaineko errepresioa ekiditea. Fantasia batzuk gauzatu nahi izango dira, eta beste batzuk agian ez, fantasia bat edukitzeak ez du ezinbestean esan nahi gauzatu nahi denik. Baina, edonola ere, pentsamendu edo irudimen mailako sexu-desira batzuen adierazpena da.

bagina-sartzea edota bagina-koitoa
Bagina-koitoa, hots, zakila baginan sartzea, da portaera heterosexual bat holako sexu-harremanen %98n agertzen dena.
Jarrera asko daude holako sexu-harreman bat garatzeko. Jarrera guztiak ez dira atseginak gizon guztientzat, emakume guztientzat edota bikote guztientzat.
a de las conductas heterosexuales que está presente en el 98% de las relaciones sexuales es el coito vaginal, es decir, la introducción del pene en la vagina. Existen muchas posturas a la hora de mantener una relación sexual coital. No todas las posturas son igual de gratificantes para todos los hombres, todas las mujeres o todas las distintas parejas sexuales.

uzki-sartzea edota uzki-koitoa
Uzki-koitoan gizonak zakila bikotekidearen uzkian sartzen du. Bai bikote heterosexualek, bai homosexualek egin dezakete. Uzkia ere mihiaz (anilinguisa) eta eskuaz estimulatu daiteke.
Uzki-koitoa bagina-koitoa baino zailagoa izaten da, ipurtesteak berez ez baitu dilatazio- eta labainketa-sistemarik, honek kasu batzuetan giharretako urradurak edota zainetako hausturak eragiten ditu. Bikotekidearen listuaz edo labaingarri berezi batez uzkia hezetu beharko litzateke. Zakila ere labaindu beharko litzateke,
Emakume batzuek esaten dute uzki-koitoan orgasmora heldu direla, bereziki honekin batera eskuz klitoria estimulatzen bazaie. Homosexualek eta bisexualek ere orgasmoa lortzen dute prostataren estimulazioari esker.

sexu-portaeren aldaerak
Iturria: ERA-BERRI Gizarte- eta Kultura-Animaziorako Taldea

Parafilia direlakoei buruz ari gara, hots, psikopatologia liburu zahar batzuetan gaixotasuntzat hartzen ziren hainbat sexu-portaera. Honen arrazoia zera zen, normaltasun-anormaltasun kontzeptuak ohikoa-ez ohikoa kontzeptuekin nahastea, eta, honen ondorioz, pentsatzea ez ohikoa dena anormala dela.
Egun portaera horiek osasungarritzat hartzen dira, baldin eta plazerra lortzeko bide bakarra ez badira, eta hauek egitean, beste pertsona bat(zuk) eta norberaren burua kaltetzen ez badituzte. Are gehiago, esan daiteke sexu-harreman gehienetan jarraian azalduko ditugun portaera desberdinen osagaiak agertzen direla.

exhibizionismoa. Sexu-portaera hau zera da, sexu-organoak edota erotikotzat hartzen diren gorputzeko beste atal batzuk beste pertsona batzuei euren baimenik gabe erakustea, sexu-plazerra lortzearren. Plazerra lortzen da ez hainbeste egiten denagatik, baizik eta beste lagun batzuek ikusia izateagatik.
Lehen aipatu dugunez, sexu-harremanetan hainbat osagai exhibizionista ager daitezke, esate baterako streaptease-a moduko portaerak, eta moda batzuek ere osagaiok dituzte, beste pertsona baten aurrean bere baimenarekin biluztea edo gorputz atal batzuk, zilborra adibidez, erakustea suposatzen duen plazerragatik.

voyeurismo-a. Aurrekoaren kontrako jarduera da. Biluzik dagoen pertsona bati begira edo beste pertsona batzuen sexu-harremanak, euren baimenik gabe, ikusiz gozatzen duen pertsona, eta sexu-plazerra lortzeko beste biderik ez duena da voyeurra.
Voyeurismo-ari lotutako beste jarduera batzuk izango lirateke film erotiko edota pornografikoak ikustea, streaptease-ikuskizunak, aldizkariak begiratzea,...

fetitxismoa.Osagai zehatz baten beharra sexu-kitzikapena ager dadin. Normalean osagaia gauza bat izaten da, adibidez, kuleroak, zapatak, galtzontziloak,... Nolabaiteko fetitxismo maila bat agertuko litzateke gustatzen zaizkigun beste pertsona batzuen kutunak eramango bagenitu edota euren arropak jantziko bagenitu.

sadismoa. Beste pertsona bati eragindako min fisiko edo psikikoaren ondorioz sexu-gogobetetzea lortzea. Sexu-portaera askok osagai sadikoak dituzte, esate baterako hozkadak, atximurkadak, borroka txikiak,...

masokismoa. Sadismoaren kontrakoa da, hau da, gozatzen duen pertsonak beste norbaitek eragiten dion minagatik plazerra lortzen du. Adibide ohikoenak aurreko atalean aipatutako berberak dira. Sexu-harremanetan sadismoa eta masokismoa elkarri loturik joan ohi dira.

trabestismoa.Portaeraren aldaera hau zera da, beste generoari dagozkion arropak janztea eta dagokion itxura fisikoa hartzea, horrela sexu-gogobetetzea lortzeko. Pertsona trabestitu batek ez du zertan homosexuala izan, eta bere sexu biologikoarekin identifikatuko da. Hauxe da desberdintasuna pertsona transexualekiko, azken hauek bere sexu biologikoarekin identifikatzen ez direla, hau da, gizonezko bat emakumezko sentitzen da eta alderantziz.

Ikusi dugun bezala, portaera hauetariko asko ohiko sexu-harremanetan agertzen dira. Ez dugu desbideraketaz edo patologiaz hitz egingo, ez bada hori dela sexu-gogobetetzea lortzeko bide bakarra, edota portaera horiekin beste pertsona batzuei edo norberaren buruari min fisiko edo psikologikoa eragiten zaiela, azken hau, adibidez, gertatzen da holako portaerak bi aldeetariko baten adostasunik gabe gauzatzen badira.