Goma mehezko (latexezko) zorro labainarazi eta malgua da, koitoaren aurretik zakil tentean jartzen dena, eta espermatozoideak baginan sartzea saihesten duena. Eiakulazioaren ondoren erantzi beharra dago, tentetzea galdu aurretik- Kondoiak nahi ez diren haurdunaldiak eta gaixotasunen zein GIB/Hiesaren transmisioa ekiditen ditu. Baldin eta espermizidekin batera erabiltzen bada, are eraginkorragoa bilakatzen da. Kondoia erabilpen errazeko bitartekoa da, eta ondo erabiliz gero, eraginkortasun handia dauka. Preserbatiboa ondo erabiltzeko era zuzena ezagutzeak eraginkortasunaren maila handitzen du.

Preserbatiboa gaizki erabiltzen bada, apurtzeko arriskua dago. Gutxitan gertatzen bada ere, kontuan hartu behar duzun posibilitatea bada.
Hori gertatuz gero, STGren bat edo Hiesaren birusa harrapatzeko edota nahi ez duzun haurdunaldi bat edukitzeko arriskua dago. Egoera horretan bazaude, EZ egin baginako garbiketarik, ezta xaboirik erabili ere, muki-mintza narritatu dezakegulako, eta birusa edota esperma sartzea are gehiago erraztu .
Nahi ez den haurdunaldiaren edota STG baten arriskua badago, larrialdietarako zerbitzu batera jo behar duzu behar diren neurriak hartzearren.